“خواب جو جلے غزہ میں” ایک جذباتی اور علامتی ناولٹ ہے۔ جو جنگ زدہ علاقے غزہ کی تلخ حقیقتوں کے بیچ پروان چڑھنے والی انسانیت، امید اور قربانی کی کہانی سناتی ہے۔ یہ ناولٹ ان بے شمار خوابوں کی داستان ہے جو بمباری، درد اور فقدان کے باوجود زندہ رہنے کی ضد کرتے ہیں۔
یہ ناولٹ ماں کے پیار، بچپن کی معصومیت، مزاحمت کی خاموشی، اور قربانی کے بلند جذبے کو شاعرانہ انداز میں پیش کرتی ہے، جہاں ہر لفظ ایک آہ، ہر مصرعہ ایک درد کی صدا، اور ہر بند ایک روشنی کی کرن ہے۔
ناولٹ میں غزہ ایک زندہ ہستی کی طرح ہے جو اپنے شہید بچوں، زخمی دلوں، اور نہ ختم ہونے والی دعاؤں کے ذریعے خود کو دنیا کے سامنے پیش کرتی ہے۔ یہ ناولٹ یاد دلاتا ہے کہ خواب، چاہے جلا دیے جائیں، راکھ میں دفن ہوں، مگر کبھی نہیں مرتے۔
یہ ناولٹ ایک خالص انسانی پیغام ہے۔ کہ امید اور حیات کی طاقت سب سے بڑی مزاحمت ہے۔